Elskar ljóðræna íslenska texta

Helga Rún Guðmundsdóttir er tónlistarkona og söngvaskáld sem kemur fram undir listamannsnafninu HáRún, en hún semur og syngur hjartnæm lög á íslensku þar sem kassagítarinn spilar stórt hlutverk. Ásamt því að vera tónlistarkona starfar Helga Rún með sérfræðingum stjórnkerfa, en það er starf sem hún fékk út frá verkfræðigráðu sem hún lauk nýlega. Hún stundar einnig rythmískt söngnám samhliða. Hún hefur komið víða fram á tónleikum, ýmist ein eða með hljómsveit en í febrúar gaf hún út sitt fyrsta lag, Enda alltaf hér, sem er angurvært og fallegt og fjallar um að vilja dýpri tengingu við fólkið í kringum okkur.