Elskar veitingabransann þrátt fyrir krefjandi stöðuna – Kemur ekki til greina að draga úr gæðunum

Umsjón/ Guðný HrönnMyndir/ Rakel Rún Garðarsdóttir og aðsendar Gísli Matthías Auðunsson er einn fremsti matreiðslumeistari landsins. Hann rekur tvo veitingastaði í Vestmannaeyjum, Slippinn og NÆS. Gísli hefur óbilandi áhuga á matargerð og veitingahúsarekstri en segir rekstrarumhverfið vera afar krefjandi og fara versnandi ár frá ári. Gísli og teymið á Slippnum er núna að fara inn í tólfta sumarið með Slippinn og segir hann þau krossa fingur og vona að allt muni ganga vel í brothættu umhverfi. Þrátt fyrir stöðuna segist hann elska veitingageirann og vinnuna í kringum veitingastaðina sína. Hann segir frábært að vera kokkur á Íslandi því tækifærin séu