Endurhönnun á eyðibýlinu Nýp - Arkitektastofan Studio Bua fékk boð á Feneyjartvíæringinn 2023

Við rætur fjallsins Nýpurhyrnu á Skarðsströnd í Breiðafirði stendur bærinn Nýp. Upphaflega var húsið reist af hjónunum og sauðfjárbændunum Guðmundi Eggertssyni (1890-1942) söðlasmiði og Sigríði Guðmundsdóttur (1885-1963) á árunum 1936-1937. Hér bjuggu þau hjónin ásamt börnum sínum sex fyrstu árin, en margar fjölskyldur bjuggu eftir það að Nýp þar til bærinn fór í eyði í kringum 1970. Víðáttumikið útsýni er yfir fjörðinn sem tekið var mið af við byggingu hússins á þeim tíma. Í upphafi 20. aldar hófu menn að gera tilraunir með steinsteypt hús sem þá þótti einkar framsækið. Húsið var byggt úr sandinum úr fjörunni og sementi frá