Ertu að missa vitið eða er verið að gaslýsa þig?

Texti: Guðrún Óla Jónsdóttir Gaslýsing er ein tegund andlegs ofbeldis, hálfgerður heilaþvottur þar sem þolandinn fer á endanum að efast um allt, jafnvel eigin geðheilsu. Lygar og útúrsnúningar eru hornsteinn gaslýsingar og jafnvel þótt þú vitir að ofbeldismanneskjan sé ekki að segja satt getur hún verið mjög sannfærandi. Að lokum ferðu að efast um upplifun þína á málunum og telur jafnvel að þú sért einfaldlega að „missa það“. Hugtakið gaslýsing (e. gaslighting) á rætur sínar að rekja til heitis á leikritinu Gaslight, frá árinu 1938, sem nokkrum árum síðar varð að kvikmynd. Verkið segir frá manni sem fær konu sína