Falleg hátíðarförðun með Ernu Hrund 

Umsjón: Steinunn Jónsdóttir / Myndir: Gunnar Bjarki Erna Hrund Hermannsdóttir er mörgum okkar góðkunn, jafnvel þó við þekkjum hana ekki persónulega. Hún gat sér gott orð sem bloggari á Trendnet og hefur síðan verið framarlega í flokki íslenskra áhrifavalda sem leggja áherslu á snyrtivörur og förðun. Erna er förðunarfræðingur en starfar í dag sem vörumerkjastjóri fyrir snyrtivörumerki á Íslandi. Samhliða því starfi er hún á samfélagsmiðlum, sérfræðingur í stafrænni markaðssetningu og í MBA-námi. „Ég og Kim K eigum það sameiginlegt að halda að við séum með fleiri tíma í sólarhringnum en aðrir,“ segir hún og hlær. „Húðin er stærsta líffærið