Fór óvart út í keramikið

Umsjón/ Þórey ÞórsdóttirMyndir/ Eva Schram Leirlistakonan Ása Tryggvadóttir rekur vinnustofuna og galleríið Stilkar á Vatnsstíg 3 í miðborg Reykjavíkur. Hún er lærður keramikhönnuður frá Myndlistaskólanum í Reykjavík en hún var að verða 50 ára þegar hún skráði sig í námið og kom það henni töluvert á óvart hversu mikla ástríðu hún fékk fyrir greininni. Innblásturinn sækir Ása í náttúru Íslands en hún er hvað þekktust fyrir Hvannarstilkana sína sem hafa verið vinsælar tækifærisgjafir undanfarin ár. Einnig hannar hún alls kyns nytjahluti eins og salatskálar, sushi-sett og bolla. Ása hefur sýnt verk sín á fjölda sýninga, meðal annars á HönnunarMars og