Friðelskandi faðir kjarnorkusprengjunnar 

Texti: Silja Björk Björnsdóttir Myndir: Af vefnum  Stórmyndinni Oppenheimer, í leikstjórn Christopher Nolan, var beðið eftir með áþreifanlegri eftirvæntingu á meðal kvikmyndaunnenda, enda stórvirki á ferð. Oppenheimer hefur vakið töluverða athygli fyrir stórkostlegan leiksigur Cillian Murphy í hlutverki vísindamannsins J. Robert Oppenheimer, mannsins sem oft er titlaður faðir kjarnorkusprengjunnar. Kvikmyndatakan er að sjálfsögðu stórbrotin eins og Nolan einum er lagið, tónlistin framúrskarandi og handritið, þó á köflum flókið og þvælt, þræðir saman lífshlaup Oppenheimer í bland við pólitískar vendingar í kringum og eftir seinni heimsstyrjöldina.    Oppenheimer er áleitin frásögn af flóknu tilfinningalífi titilpersónunnar og kafar djúpt ofan í þær siðferðislegu...