Frumlegar gjafir fyrir börnin

Umsjón/ María Erla Kjartansdóttir Mynd/ Hallur Karlsson Ýmsar skemmtilegar útfærslur af gjafainnpökkun fyrir börnin sem hægt er að sníða á ótal vegu. Þrjár kynslóðir sameinuðust við gerð þessara jólagjafa og áttu gæðastund saman.  Allt sem til þarf er einfaldur gjafapappír og pappírsarkir í hinum ýmsu litum, límstifti og skæri. Það er sniðugt að notast við afgangspappír eða -dagblöð til að mynda fígúrur á pakkana.  Hægt er að útbúa dúsk, eins og hér sést, úr garni sem þrætt er á gaffal. Garnið er bundið saman þegar hæfileg stærð hefur náðst og dúskurinn síðan klipptur til.  Njótið!