Fyllt kalkúnabringa með mascarpone-osti og kryddjurtum

Umsjón/Folda GuðlaugsdóttirMyndir/Rakel Rún Garðarsdóttir Það er alltaf vinsælt að bjóða upp á kalkún í veislum. Hér höfum við fyllta kalkúnabringu með mascarpone-osti og kryddjurtum. Hér unnum við með alifuglakjöt frá Suður-Reykjum í Mosfellsbæ en þar er löng saga alifuglaræktar og má þar finna elsta bú landsins í greininni. Reykjabúið er fjölskyldubú í eigu Kristínar Sverrisdóttur og Jóns Magnúsar Jónssonar en þess má til gamans geta að Suður-Reykir hafa verið í eigu sömu fjölskyldunnar frá árinu 1916, frá því að afi Jóns keypti jörðina. Eigendur Reykjabúsins leggja mikinn metnað í að bjóða upp á gæðavöru og standa heiðarlega að sinni framleiðslu...