Fylltir klakar í áramótapartíið

Klakar eru nauðsynlegir í góða veislu en það sem getur gert klaka hátíðlegri er að fylla þá af einhverju skemmtilegu, t.d. ávöxtum eða ætum blómum. Til þess að fá klakana mjög gagnsæja er best að sjóða vatn, láta það kólna og sjóða það síðan aftur og kæla það áður en það er sett í formin. Ef notaður er ávöxtur er best að skera hann í lítinn bita. Gott er að nota klakana til þess að bragðbæta vatn, sódavatn eða kokteilaog sangríur.