Fyrirgefning er flókið fyrirbæri

Texti: Steingerður Steinarsdóttir Fyrirgefningin er einn af hornsteinum kristinnar trúar. Í Faðirvorinu biðjum við að okkur lánist að fyrirgefa þeim sem gera á hlut okkar á sama hátt og guð fyrirgefi okkar syndir. Margir hafa viljað túlka þetta á þann veg að okkur beri að slá striki yfir það liðna og sætta okkur við það. Taka við mótgerðarmönnum okkar eins og ekkert hafi ískorist og allt verði eins og fyrr. Aðrir segja að fyrirgefningin felist í að sleppa reiðinni, útrýma henni úr hjartanu og halda áfram frjáls undan því taki sem gerendur ranginda gegn okkur hafa haft á okkur. Það