Geislandi gamlársförðun með Guðrúnu Sørtveit

Það er einstaklega skemmtilegt að gera sig til fyrir áramótin og leyfa sér jafnvel að vera ögn meira glitrandi eða í meiri glamúr en venjulega. Við fengum Guðrúnu Sørtveit, förðunarfræðing, til að gefa okkur innblástur að fallegri áramótaförðun með ráðleggingum um góðar vörur. Það er tilvalið að fá sér jafnvel smá bubblur í glasi á meðan farðað er, það getur einhver annar séð um að elda og græja fyrir kvöldið, allavega í smá stund. Guðrún Sørtveit er 30 ára förðunarfræðingur og tveggja barna móðir úr Hafnarfirði. Hún hafði lengi áhuga á  samfélagsmiðlun og byrjaði með sinn opinbera miðil árið 2015.