Hættuleg hugmynd 

Við vinkonurnar þóttum vera fyrirmyndarunglingar, fengum yfirleitt hæstu einkunnir í skólanum og enginn hefði trúað neinu slæmu upp á okkur. Fyrir tíu árum var ég ósköp venjulegur unglingur og bjó í úthverfi í Reykjavík. Á heimili mínu ríkti reglusemi og góður agi. Þar sem ég var fyrirmyndarunglingur og einnig vinkonur mínar tvær áttu allir erfitt með að trúa því sem við gerðum kvöldið örlagaríka þegar við vorum næstum dánar. Á föstudagskvöldi snemma vors greip mig mikil óþreyja. Ég gat ekki hugsað mér að sitja heima og horfa á sjónvarpið með foreldrum mínum, eins og ég gerði svo oft, þannig að