„Hann nálgaðist grínið eins og vísindamaður“

Ævar Þór Benediktsson, eða Ævar vísindamaður eins og við flest þekkjum hann, hefur gert það gott sem leikari og barnabókarithöfundur. Ævar vísindamaður fékk þetta viðurnefni eftir samnefndum fræðsluþáttum sem sýndir voru á RÚV. Ævar hefur ritað barnabækur, meðal annars bókaflokkana Bernskubrek Ævars vísindamanns og Þín eigin-bækurnar en þær síðarnefndu eru leikbækur þar sem lesendur velja sér leið í gegnum textann. Hann er einnig höfundur leikrita með sama sniði þar sem áhorfendur hafa áhrif á framrás sögunnar. Ævar hefur látið gott af sér leiða og árin 2014–2019 stóð hann fyrir lestrarátaki Ævars vísindamanns og árið 2020 tók hann við stöðu sendiherra