Hátíðleg og náttúruleg jól í vistvænu húsi í Garðabæ

Umsjón/ María Erla Kjartansdóttir Myndir/ Hallur Karlsson Í þessu fallega raðhúsi í Urriðaholtinu búa Anna Gréta Hafsteinsdóttir, hótelstýra á Hótel Bergi, og Einar Þór Einarsson, deildarstjóri hjá Icelandair, ásamt sonum þeirra tveimur og hundinum Koli. Eignin er 180 fermetrar að stærð á tveimur hæðum en húsið sem var reist árið 2021 er heilnæmt, byggt úr krosslímdum timbureiningum sem unnar eru úr sjálfbærum evrópskum skógum. Heiðmörk er steinsnar frá þeim sem kallast á við vistvænt húsið sem nú er í svansvottunarferli í samstarfi við Umhverfisstofnun. Það þýðir að hönnun og efnisval þarf að uppfylla kröfur um lágmörkun umhverfisáhrifa auk þess sem