Hinn einstaki Stanley Tucci

Texti: Steingerður Steinarsdóttir Leikarinn Stanley Tucci hefur verið lengi í sviðsljósinu og á sér sannarlega sinn aðdáendahóp. Hann hefur hins vegar ekki náð sömu megastjörnustöðu og sumir kollegar á svipuðum aldri. Hann var lengi í aukahlutverkum fremur en burðarhlutverkum en smátt og smátt opnuðust augu manna fyrir hversu fjölhæfur og frábær leikari hann er. Að undanförnu hefur hann hins vegar haslað sér völl á nýjum vettvangi eða í ferða- og matarþáttagerð. Stanley Tucci: Searching for Italy eru hreint út sagt dásamlegir þættir. Stanley er af ítölskum uppruna. Foreldrar hans eiga bæði rætur að rekja þangað. Hann hefur ávallt ræktað þessi tengsl...