Hjá Höllu hófst á gamalli Rafha-eldavél

Umsjón: Ragna GestsdóttirMyndir: Hallur Karlsson Veitingastaðurinn Hjá Höllu í Grindavík er orðinn vel þekktur langt út fyrir bæinn fyrir bragðgóðan og hollan mat. Reksturinn hófst fyrir tíu árum síðan heima hjá eigandanum, Höllu Maríu Svansdóttur, á gamalli Rafha-eldavél. „Hjá Höllu varð til af því að ég var dugleg að elda fyrir mig og fjölskylduna mína og geri bara nokkuð góðan mat,“ segir Halla María og brosir. „Ég eignaðist þrjú börn á stuttum tíma og var því mikið heima þegar þau voru yngri. Ég var dugleg að fá vinkonur í mat á hádeginu og gerði kraftmiklar súpur fyrir krabbameinsveika frænku mína.“