Hollt og óhollt

Texti: Unnur H. Jóhannsdóttir Mjólk mögnuð kalkuppspretta Þegar litið er til innihalds mjólkur af næringarefnum er ekki hægt að segja annað en að mjólk sé bráðholl. Í raun er mjólk næringarríkasta einstaka fæðutegundin sem völ er á, ef frá eru talin vítamín- og steinefnabætt matvæli, eins og morgunkorn ýmiss konar. Auk þess að vera próteinrík, er mjólk mikilvæg uppspretta 11 lífsnauðsynlegra vítamína og steinefna í fæðunni. Tvö mjólkurglös gefa þannig nálægt 100% af áætlaðri dagsþörf 19-30 ára kvenna og karla af kalki, fosfór, joði, ríbóflavíni (B2-vítamíni) og B12-vítamíni upp undir helming áætlaðrar dagsþarfar af sinki, kalíum, magníum, níasíni, B6-vítamíni og þíamíni (B1-vítamíni)....