Hönnunarstúdíóið R57 - íslensk hönnun með fallegan boðskap 

Skúli B. Geirdal, grafískur hönnuður, og Karlotta Halldórsdóttir hagfræðingur mynda saman hönnunarstúdíóið R57 sem stofnað var fyrir skömmu. Þau segja fyrirtækið leggja áherslu á hönnun sem bæti umhverfið sem við lifum í. Nú hafa þau gefið út veggspjöld undir yfirskriftinni „Ástin er blind“ til styrktar Blindrafélagi Íslands. Í fréttatilkynningu kemur fram að verkefninu sé ætlað að stuðla að vitundarvakningu á málefnum blindra og sjónskertra og eiga veggspjöldin að minna okkur á að það njóta ekki allir þeirra forréttinda að sjá. Þau eru fáanleg í fimm litum þar sem punktaletur leikur stórt hlutverk. Skúli og Karlotta nefna jafnframt í tilkynningunni að...