Hringrásarhönnun Stúdíó Fléttu

Umsjón/ Þórey Þórsdóttir Myndir/ Sunna Gautadóttir Vöruhönnuðirnir Birta Rós Brynjólfsdóttir og Hrefna Sigurðardóttir kynntust í Listaháskólanum árið 2013 og hafa unnið saman síðan. Þær deila brennandi áhuga á umhverfismálum og árið 2018 stofnuðu þær Stúdíó Fléttu þar sem þær hanna og búa til vörur úr efnivið sem annars hefði verið hent. Við ræddum við þær Birtu og Hrefnu um áhugann á rusli, sköpunarferlið og gríðarlegar vinsældir textílpitsa sem hafa dregið þær um allan heim. Hvernig byrjaði Stúdíó Flétta? „Við byrjuðum að vinna saman árið 2014 þegar við vorum enn í Listaháskólanum. Þá unnum við saman að verkefninu Haugafé sem var