Hvað er fylling í víni – (e. Body)

Umsjón/ Hanna Ingibjörg Arnarsdóttir Myndir/ Unsplash Stundum getur verið svolítið erfitt að skilja hugtökin og orðaforðann í vínheiminum fyrir þann sem lítið veit en langar kannski að vita meira og vera umræðuhæfur um einföldustu atriði. Oft er talað um fyllingu í vínum sem getur vafist fyrir mörgum. Ein einföld og góð leið til að lýsa og útskýra hvað fylling (e. body) er í vínum er að láta fólk ímynda sér muninn á undanrennu og nýmjólk eða rjóma, þá skilur fólk um leið hugtakið og getur nýtt sér það í smökkun.