Hver gjöf er einstök á sinn hátt

Texti: Steingerður SteinarsdóttirMyndir: Ragnhildur Aðalsteinsdóttir Hjördísi Dögg Grímarsdóttur þarf ekki að kynna fyrir lesendum Vikunnar svo oft höfum við notið einstakrar hugmyndauðgi hennar og hæfni í matargerð og bakstri. Hún hefur átt fastan sess í kökublaðinu og dregur nú sem fyrr girnilegar kökur úr ofninum og skreytir af mikilli list. Er mikið haft fyrir jólunum á þínu heimili? „Að njóta er það sem ég hef að leiðarljósi við jólaundirbúninginn,“ segir hún. „Aðventan er yndislegur tími þar sem gaman er að setja upp jólalegar skreytingar, jólaljós utan á húsið og njóta þess að baka gómsætar smákökur, skreyta piparkökuhús og gera jólaís....