Jarðarför Jónínu - leiðbeiningar

Texti: Jónína Leósdóttir Góður undirbúningur hefur alltaf verið mér mikilvægur. Í þau tuttugu ár sem ég stundaði blaðamennsku gætti ég þess til dæmis alltaf að drekka ekki deigan dropa í tvo, þrjá tíma áður en ég tók mikilvæg viðtöl. Ég vildi geta haldið fullkominni einbeitingu andspænis viðmælanda mínum, ekki ókyrrast undir lokin út af fullri þvagblöðru. Mér fannst fólk sem samþykkti að tjá sig opinberlega um viðkvæm mál eiga skilið að ég mætti með vel ígrundaðan spurningalista, aukabatterí í upptökutækið og tóma blöðru. En stundum leggur lífið fyrir okkur verkefni sem erfitt er að búa sig undir. Árið 1998 tók