Jólaköttur Rammagerðarinnar kynntur til leiks

Í ljósi þess hversu vel tókst til með jólakött Rammagerðarinnar árið 2020, sem unninn var í samstarfi við Studió Fléttu, fór Rammagerðin enn og aftur í samstarf við íslenskan hönnuð til að koma með útgáfu af jólakettinum fyrir þetta ár. Hanna Dís Whitehead, einn af okkar fremstu hönnuðum, tók að sér þetta skemmtilega verkefni og er hönnuður jólakattar Rammagerðarinnar árið 2021. Jólakötturinn er vel þekktur óvættur í íslenskum þjóðsögum. Hann var hvað þekktastur fyrir að éta þau börn sem ekki fengu nýjar flíkur fyrir jólin. Þó að kötturinn sé löngu hættur þeim óskunda er hann enn sterkur hluti af íslenskri jólahefð. Jólakötturinn í ár er innblásinn af...