Júlísonur

Texti: Ragna Gestsdóttir Parið Margrét Edda Gnarr einkaþjálfari og Ingimar Elíasson leikstjóri eiga von á sínu öðru barni saman í júlí. Von er á dreng en fyrir eiga þau soninn Elías sem er fæddur í byrjun árs 2020. Ingimar á eitt barn frá fyrra sambandi. Parið trúlofaði sig í október í fyrra, þegar Ingimar fékk Margréti til að leika með sér í auglýsingu á Reykjanesskaga. Auglýsingin reyndist vera plat og fór Ingimar á skeljarnar og bað sinnar heittelskuðu. Myndbandið má sjá á Instagram Margrétar: margretgnarr.