Kaffihús með sál

Umsjón/ Þórey Þórsdóttir Myndir/ Eva Schram og Pétur Thomsen Græna kannan á Sólheimum er kaffihús með sál. Þar er rík áhersla lögð á hráefni úr nærsamfélaginu og boðið upp á veitingar við allra hæfi úr grænmeti sem ræktað er á staðnum. Matseðillinn er ekki af verri endanum en þar má meðal annars finna nýbakaðar pönnukökur og vöfflur, ilmandi Sólheimakaffi sem er brennt á staðnum og hina margrómuðu Sólheimatómatsúpu sem borin er fram með nýbökuðu brauði og döðlupestói. Við heimsóttum þetta dásamlega samfélag þar sem Ragnheiður Eggertsdóttir, yfirmatráður og rekstrarstjóri Sólheimaseturs, tók á móti okkur. Hún sagði okkur frá starfseminni og