Kemst ekki yfir að lesa allt sem hana langar að lesa

Texti: Steingerður Steinarsdóttir Sólveig Pálsdóttir hefur fengist við margt um ævina, er leikkona, dagskrárgerðarmaður, kennari, bókmenntafræðingur og rithöfundur. Hún er þekktust fyrir sakamálasögur sínar og sendi nýlega frá sér eina slíka, Skaði. Í fyrra reri hún hins vegar á önnur mið og minningabókin Klettaborgin hitti marga í hjartastað. En skyldi önnum kafinn rithöfundur hafa tíma til að lesa? Hvaða bók er á náttborðinu þínu núna? „Eins og venjulega eru þar nokkrar bækur. Efst trónir Launsátur eftir Jónínu Leósdóttur sem ég er að klára og síðan taka við Eftirlifendurnir eftir Alex Schulman og Að telja upp í milljón eftir Önnu Hafþórsdóttur.“