Keppa á heimsleikum fyrst íslenskra danspara

Texti: Ragna GestsdóttirMyndir: Samfélagsmiðlar Danshjónin Hanna Rún Bazev Óladóttir og Nikita Bazev sýndu frábæra frammistöðu í undankeppni heimsleikanna á Fene á Spáni fyrr á árinu. Tryggðu þau sér þátttökurétt á heimsleikum Alþjóðadansíþróttasambandsins, WDSF, sem haldnir verða í Alabama í Bandaríkjunum í sumar. Hjónin eru fyrst íslenskra para til að keppa á heimsleikunum og verða þar í hópi 16 para sem valin hafa verið til keppni í latin-dönsum. Leikarnir eru haldnir á fjögurra ára fresti. „Þetta er ótrúlega gaman og það er mikill heiður að fara fyrir hönd Íslands. Þetta var markmið hjá okkur,“ sagði Hanna Rún í viðtali við mbl.is.