KLASSÍK MEÐ RÓMANTÍK OG STÖKU FLIPPI 

Umsjón/ Kolfinna Von Arnardóttir Mynd/ Eva Schram Katrín Sól er ung kona á framabraut og fagurkeri mikill. Hún er með einstakan stíl, er menningarlega sinnuð og sannkölluð fyrirmynd í lífi og starfi. Hún starfar í dag sem lögfræðingur á skrifstofu Alþingis og hefur jafnframt lokið prófi í píanóleik. Hún sækir innblástur í ferðalög, listir og smekklegar konur í sínu nánasta umhverfi og blandar tímalausum gæðagripum við liti, munstur og áhrif frá áttunda áratugnum. Katrín er Vesturbæingur í húð og hár og flutti nýverið inn í nýja íbúð með sambýlismanni sínum, Breka, þar sem hún hlakkar til að koma sér fyrir.