Kokkurinn Denis Grbic í VERA mathöll  

FURA er nýr veitingastaður í Grósku hugmyndahúsi í Vatnsmýrinni. Þar er evrópsk matargerð með skandinavísku ívafi í aðalhlutverki. Áhersla er lögð á kjöt- og fiskrétti þar sem árstíðabundið hráefni úr nærumhverfinu er notað. Hágæða vín eru einnig í forgrunni á þessum nýja og spennandi stað. Það er kokkurinn Denis Grbic sem er maðurinn á bak við Furu. Denis hefur verið áberandi í vetingageiranum í gegnum árin, í Kokkalandsliðinu og í starfi sínu á Grillinu á Hótel Sögu svo dæmi séu tekin. Hann var valinn Kokkur ársins 2016. Mynd/ Hákon Davíð Björnsson