Kolbrún Benediktsdóttir, varahéraðssaksóknari: „Upp til hópa er maður að eiga við brotamenn sem eru ekki skrímsli.“

Kolbrún Benediktsdóttir varahéraðssaksóknari tók nýverið við stöðu sem fyrsti íslenski saksóknarinn hjá Eurojust í Haag en þangað flytur hún brátt ásamt fjölskyldu sinni. Flutningarnar leggjast vel í þau enda lengi verið á stefnuskránni að prófa að flytja út fyrir landsteinana. Hún ætlaði sér alls ekki að verða lögfræðingur á uppvaxtarárunum, hafði mestan áhuga á bókmenntum og þá sérstaklega Íslendingasögunum, en hún rataði nú samt í lögfræðinám. Hún fann sig fljótt í faginu og hefur aldrei séð eftir því að leggja það fyrir sig. Kolbrún hefur upplifað erfið áföll í sínu persónulega lífi en alltaf komist í gegnum þau með góðum