Kraftmikil ástríða og dugnaður lykillinn að góðum árangri Krafts  

Umsjón: Lilja Hrönn Helgadóttir - Texti: Silja Björk Björnsdóttir - Myndir: Gunnar Bjarki Stuðningsfélagið Kraftur ætti að vera landsmönnum kunnugt en öflugar vitundarvakningar og auglýsingaherferðir félagsins hafa vakið mikla athygli á síðustu árum sem og lífleg perluarmböndin með einkunnarorðum félagsins, „lífið er núna”. Kraftur var stofnað þann 1. október árið 1999 og hefur félagið ávallt haft það að leiðarljósi að beita sameinuðum kröftum sínum til þess að aðstoða og styðja við ungt fólk sem greinst hefur með krabbamein og aðstandendur. Kveikjan að stofnun félagsins var í raun sú að það þótti vanta ákveðinn stuðning og fræðslu fyrir fólk sem væri