Landsmót hestamanna

Texti: Ragna Gestsdóttir Landsmót hestamanna 2022 verður haldið á Rangárbökkum við Hellu 3.-10. júlí 2022 þar sem Rangárbakkar munu duna af hófaslætti. Landsmótið er það tuttugusta og fjórða í röðinni og einn stærsti íþróttaviðburður og fjölskylduhátíð sem fram fer á Íslandi. Bestu knapar og hestar landsins etja kappi auk þess sem boðið verður upp á fjölbreytta skemmtidagskrá fyrir allan aldur. Formlegri dagskrá Landsmóts hestamanna lýkur á laugardagskvöldinu 9. júlí en á sunnudeginum 10. júlí munu hrossaræktarbú á svæðinu bjóða heim. Upplýsingar: landsmot.is.