Það er gaman að leggja inn á bankareikninginn sinn, safna vöxtum á upphæðina, safna fyrir einhverju sem mann langar í: íbúð, bíl, smærri hlutum eða draumafríinu. Taka svo fjárhæðina út og nýta í það sem safnað var fyrir. Það er þó einn banki sem fæst okkar vilja taka út úr: Blóðbankinn. En ef svo illa vill til að maður þarf á úttekt að halda, þá er eins gott að það sé næg innistæða í bankanum. Og þar getur þú hjálpað til og orðið blóðgjafi. Einnig er gott að fara og gefa blóð áður en farið er í frí, því ávallt er meiri þörf fyrir blóðgjafir þegar margir blóðgjafar eru á faraldsfæti.
