„Lífið er núna“ er ekki bara innantómt slagorð“

Umsjón og texti: Silja Björk Björnsdóttir / Myndir: Aðsendar Stella Hallsdóttir var aðeins 32 ára þegar hún greindist með brjóstakrabbamein árið 2020 í miðjum heimsfaraldri. Stellu grunaði ekki að hnúturinn sem hún fann fyrir í vinstra brjóstinu væri neitt annað en stíflaður mjólkurkirtill en þegar hún fann fyrst fyrir breytingum í brjóstinu gekk hún með sitt annað barn. Þykkildið hlyti því að vera einhver meðgöngukvilli sem ætti sér eðlilegar skýringar. Þegar dóttirin var komin í heiminn og líða fór á brjóstagjöfina tók Stella eftir því að hnúðinn hafði stækkað og eitlarnir voru farnir að stíflast. Þá fóru að renna á