Líkamleg viðbrögð við kvíða

Þegar talað er um kvíða núorðið kemur fyrst upp í huga flestra lamandi og erfið röskun sem heldur aftur af manneskju og hindrar hana í að lifa lífi sínu til fulls. En kvíði birtist í margvíslegum myndum og er misalvarlegur. Hann getur verið allt frá ofurlítilli óró, tímabundnum kvíðasting í maga, stressi yfir yfirvofandi atburði yfir í viðvarandi áhyggjur og langtímastreitu. Kvíði á upptök sín í heilanum en hann er engu að síður líkamlegt ástand. Allir hafa einhvern tíma fundið fyrir kvíða, rétt fyrir próf, áður en gengið er inn í atvinnuviðtal eða áður en farið er til tannlæknis. Þegar