Listaverkið á veisluborðinu - Brauðtertur Bjarkar Þorleifsdóttur 

Umsjón/ Agnes Sólmundsdóttir Myndir/ Sunna Gautadóttir Björk Þorleifsdóttir hefur unnið með brauð í meira en þrjá áratugi en hún og eiginmaður hennar opnuðu Nonnabita árið 1993 og hafa rekið staðinn alla tíð síðan. Brauðtertugerðin er þó yngri ástríða sem á rætur sínar að rekja til æskuáranna og matarborðsins heima. „Móðir mín var svo mikill listakokkur sjálf og smurbrauðið var alltaf svo fallegt hjá henni.“ Þau voru tíu manna fjölskylda og borðið var því alltaf vel hlaðið. „Ég man að ég sat alltaf við borðið, dáðist að matnum og ákvað hvaða sneið ég ætlaði að grípa fyrst,“ segir hún og hlær.