Listrænt og lifandi í miðbænum – „Myndlist hreyfir við hlutlausum huga og nærir sálina“

Í fallegri íbúð í fjölbýlishúsi við Grettisgötu býr listamaðurinn Jóna Hlíf Halldórsdóttir ásamt eiginmanni sínum Hjálmari Stefáni Brynjólfssyni, lögfræðingi hjá Seðlabankanum, og börnum þeirra tveimur, Rósku Halldóru og Orra Hallgrími. Það er óhætt að segja að gaman sé að litast um heima hjá þeim þar sem falleg hönnun og listaverk prýða alla króka og kima. Við kíktum í heimsókn á líflegt heimili Jónu Hlífar og fjölskyldu en fengum einnig að gægjast inn á vinnustofuna hennar við Seljaveg sem er björt og spennandi.