Mátti ekki vera of klár til að skyggja ekki á strákana

Texti: Unnur H. JóhannsdóttirMyndir: Hákon Davíð Björnsson og aðsendar Hún vann sem verkamaður í byggingarvinnu, sópaði, hreinsaði og annað sem féll til á milli þess sem hún kleif fjarlæg fjöll og stundaði fljótasiglingar (e. rafting). Í dag er Anna Svavarsdóttir húsasmíðameistari og rekur sitt eigið fyrirtæki í bransa sem er vægast sagt karllægur en hún er hvergi bangin enda vön áskorunum. „Ég er sveitastelpa,“ segir Anna en hún er alin upp á Drumboddsstöðum í Biskupstungum (Bláskógabyggð). „Ég vann öll almenn sveitastörf heima á Drumboddsstöðum eftir stúdentspróf en vann við rafting á sumrin og þvældist um Asíu og fór til Nýja-Sjálands