Meðeigandinn

Fyrir nokkrum árum kynntumst við systkinin ákaflega elskulegum manni sem okkur líkaði svo vel við og treystum að við hófum viðskipti með honum. Við höfðum rekið saman fyrirtæki, ég og bróðir minn, en færðum út kvíarnar, að ráði nýja meðeigandans, opnuðum útibú fyrirtækis okkar úti á landi og allt fór afskaplega vel af stað. Foreldrar okkar höfðu stofnað fyrirtækið þegar þau voru ung, nú voru þau sest í helgan stein og við tekin við. Okkur fannst þau frekar íhaldssöm undir það síðasta, þau hlustuðu ekki á ýmsar hugmyndir okkar til að bæta fyrirtækið. Hugsun þeirra var svolítið sú að allt...