Sælkerinn Arna Óttarsdóttir, heimshornaflakkari, lífeindafræðingur og húsmóðir með meiru, hélt á dögunum mexíkóskt matarboð fyrir vinkonur sínar, „Reykjavíkurdonnurnar“, undir japönskum áhrifum. Arna hefur unun af því að bjóða í mat og prófa sig áfram í alþjóðlegri matargerð þar sem hún hefur upplifað ýmislegt á ferðalögum sínum um heiminn og vill ólm deila því með öðrum í gegnum matargerð. Það gerði hún svo sannarlega í þessu matarboði sem Gestgjafinn fékk að vera hluti af.
