Orðsnjöll og bráðskemmtileg

Texti: Steingerður Steinarsdóttir Benný Sif Ísleifsdóttir sendi frá sér nýja bók fyrir jólin og það var einstakt tilhlökkunarefni að fá hana í hendur og lesa. Benný Sif hefur skemmtilegan stíl og einstakt vald á íslensku máli. Hún kann öðrum betur að endurskapa andrúmsloft liðins tíma og byggja upp veröld sem lesandinn getur týnt sér í. Djúpið olli svo sannarlega ekki vonbrigðum og þessi höfundareinkenni njóta sín þar vel. Nokkrir ungir háskólanemar eru sendir vestur í Djúp til rannsókna á vegum Búseturöskunar ríkisins. Þau eiga að kanna möguleika á nýsköpun og atvinnuuppbyggingu í þessari brothættu byggð, meðal annars nýtingu jarðvarmans til...