Pale Rose - Nýr litur hjá Louis Poulsen

Umsjón: Ritstjórn / Myndir: Frá framleiðendum og úr safni Einstök vörulína frá Louis Poulsen nú í fallegum fölbleikum lit. Louis Poulsen-fyrirtækið á rætur sínar að rekja aftur til ársins 1874 en það framleiðir ljós eftir nokkra þekktustu hönnuði sögunnar. Þar má nefna Arne Jacobsen, Verner Panton og Poul Henningsen sem hannaði PH5-ljósið margrómaða sem er í dag heimsþekkt sem hönnunartákn og eitt vinsælasta ljósið í Skandinavíu sem sjá má á fallegum heimilum um víða veröld. Poul Henningsen hannaði ljósið til þess að hanga yfir borði en nafnið PH5 kemur til vegna þess að þvermálið á efsta skerminum er 50 cm