Rabarbaradraumur 

Umsjón/ Hanna Ingibjörg Arnarsdóttir og Guðný Hrönn Mynd/ Hallur Karlsson Stílisti/ María Erla Kjartansdóttir  Alvörusumarkokteill með rabarbaralíkjöri, þessi er æði. 1 glas á fæti 45 ml vodka, við notuðum Katla frá 64° Reykjavík Distillery *60 ml rabarbaralíkjör, frá 64° Reykjavík Distillery 15 ml ferskur sítrónusafi 1 tsk. sykursíróp 15 ml appelsínulíkjör, við notuðum Cointreau klakar tímíangreinar, til skrauts  Fyllið kokteilhristara af klökum og látið allt hráefnið út í nema tímíangreinarnar. Hristið vel í u.þ.b. 7-10 sekúndur. Hellið í gegnum sigti og berið fram með tímíangreinum eða sítrónuberki.