Rifsberjatíð

Nú fer haustið í hönd og rifberjatínsla í hámarki. Rifsber hafa nokkuð lengi verið ræktuð í görðum hér á landi en bestu uppskeruna gefur sólríkt sumar og má því vænta sæmilegrar uppskeru þetta árið. Berin eru súr og sæt og bragðast vel ein og sér en einnig er tilvalið að nota þau í bakstur og ýmsa matargerð. Vinsælt er að nota berin í sultur og hlaup, saft, ávaxtagraut, kökur og bökur. Upplagt er að frysta nokkur ber og nota til skreytinga t.d. á kökur og steikur seinna meir.