Rototom Sunsplash - Stærsta reggae-veisla Evrópu

Texti: Steinunn Jónsdóttir Myndir: Frá viðburðahöldurum  Á austurströnd Spánar og í um það bil klukkutíma akstursfjarlægð frá Valencia liggur strandbærinn Benicassim. Bærinn sker sig við fyrstu sýn ekki á nokkurn hátt frá öðrum álíka áningarstöðum sólþyrstra ferðalanga. Meðfram fjölfarinni strandgötu standa veitingastaðir í röðum og litríkir kokteilbarir spila suðræna tóna til að draga gesti inn af götunni. Búðir sem selja uppblásnar vindsængur, derhúfur og minjagripi leynast á hverju götuhorni og á sunnudögum eru langborð dregin út á götur og fólk situr og borðar saman langt fram eftir kvöldi. Allt er í rólegu tempói og dagarnir snúast um fátt annað en...