Saumaði útskriftarkjólinn úr gömlum gardínum 

Monika Janina er tuttugu og fjögurra ára hönnuður sem ólst upp fyrir vestan, í litla þorpinu Þingeyri í Dýrafirði. Að segja að hún sé fjölhæf eru sannarlega orð að sönnu en hún er grafískur hönnuður, stílisti, fatahönnuður, listakona og íþróttakona. Hún lauk BA-gráðu bæði í fatahönnun og grafískri hönnun í Boston, frá University of Massachusetts (UMass), en hún fór út í gegnum Íþróttasamband bandarískra háskóla (NCAA) með íþróttastyrk í blaki. Samhliða námi keppti hún því í íþróttinni víða um Ameríku og fékk að kynnast mörgum ólíkum menningarheimum. Eftir fjögur árangursrík og eftirminnileg ár flutti hún aftur til Íslands og hóf