Sérstætt hús í Hrísey með sögu og sál

Umsjón/ María Erla Kjartansdóttir Myndir/ Hallur Karlsson Í byrjun ágústmánaðar lá leið okkar til Hríseyjar, náttúruperlu í Eyjafirði sem á sér enga hliðstæðu. Hrísey er önnur stærsta eyjan við Ísland á eftir Heimaey, hún er um átta km2 að flatarmáli og liggur um miðbik Eyjafjarðar austur af Dalvík og norðaustur af Árskógssandi. Í Hrísey er lítið sjávarþorp og um 200 manna byggð sem dregur marga að en náttúran, útsýnið og fuglalífið hér á sér fáa líka. Hér er friðsælt og snyrtilegt, hellulagðar götur, snotur hús og fallegir gróðursælir garðar hvert sem litið er. Ferjan Sævar gengur til Hríseyjar og tekur ferðin ekki...