Sigursæll dúett á von á börnum

Texti: Ragna Gestsdóttir Söngparið Guðrún Ýr Eyfjörð, GDRN, og Jón Jónsson, hafa átt gott ár það sem af er 2022. Bæði slógu í gegn í Söngvakeppninni, hann sem kynnir og hún sem gestur. GDRN flutti Eurovisionlag Birgittu Haukdal, Open Your Heart, frá 2003 í nýrri útgáfu. Á Hlustendaverðlaununum í mars var lag þeirra, Ef ástin er hrein, valið lag ársins og GDRN var valin söngkona ársins. Bæði eiga síðan von á börnum. Jón á von á fjórða barninu, syni, með eiginkonu sinni, Hafdísi Björk Jónsdóttur tannlækni. Guðrún á von á sínu fyrsta barni með kærastanum,  Árna Steini Steinþórssyni.