Sjónræn og bragðmikil upplifun í gróðurhúsi

Umsjón og myndir/ Telma Geirsdóttir Við enda Óseyrarbrautar í Hafnarfirði með útsýni yfir Hvaleyrarlón má finna einstakan veitingastað inni í lifandi gróðurhúsi. Veitingastaðurinn Sól opnaði þann 15. ágúst 2024 og er í eigu tveggja vinahjóna, þeirra Bjarkar Bjarnadóttur, Sölva Steinars, Brjáns Guðjónssonar og Guðrúnar Auðar Böðvarsdóttur. Þegar inn er komið tekur brakandi fersk gróðurlyktin á móti manni og hönnun staðarins vekur einnig verðskuldaða athygli. Náttúran spilar sannarlega stórt hlutverk í öllu sem Sól stendur fyrir. Guðrún Auður tók á móti okkur síðla sumars og ræddi ræktun, veitingareksturinn og velgengni staðarins sem hefur fengið gríðarlega góðar viðtökur þetta fyrsta ár í...